,,კინგსი"- ს მათემატიკური ოლიმპიადის ფინალისტები...

,,კინგსი"-ს მათემატიკის რესპუბლიკური ოლიმპიადის ფინალისტები გახდნენ ჩვენი სკოლის მოსწავლეები:ნატრული მებონია (მე-4 კლასი, პედაგოგი ლალი ფეტელავა) და ქეთევან გაბრავა (მე-5 კლასი, პედაგოგი კობა კვიკვინია). აღსანიშნავია ის გარემოება, რომ ქეთევანმა პირველ და მეორე ტურებში ასპროცენტიანი შედეგი ანახა!

5 ივნისი - გარემოს დაცვის დღე პაპანწყვილთან... (ვიდეო კოლაჟი)

 გარემოს დაცვის დღე - 5 ივნისი ჩვენი სკოლის მოსწავლეებმა და პედაგოგებმა ტბა პაპანწყვილთან გაატარეს... პედაგოგებმა ბელა ლაგვილავამ, ლალი ფეტელავამ და თამარ კობახიძემ ქართულის, მათემატიკის და ხელოვნების ინტეგრირებული გაკვეთილი ჩაატარეს ბუნების წიაღში მე-3 და მე-4 კლასის მოსწავლეებთან. გაკვეთილის მიზანი იყო სასწავლო თემის - ,,ტბები"-ს შეჯამება, ხობის მუნიციპალიტეტის ღირშესანიშნავი ადგილების გაცნობა და მოსწავლეებში გარემოსდაცვითი კულტურის ჩამოყალიბება.

ანბანთქება - 2015

პირველკლასელთათვის საზაფხულო არდადეგების მაუწყებელი ზარი საქართველოს სკოლებში 20 მაისს დაირეკა. თუმცა ჩვენი სკოლის პირველკლასელებს დარჩათ რაღაც სათქმელი...

   29 მაისი... მუსიკის ოთახი...სმენად ქცეული აუდიტორია... იაკობ გოგებაშვილის ,,აი, ია"... ილიას ,,ენა, მამული, სარწმუნოება"...  თამამი სიტყვები... პატრიოტული სიმღერები... ლექსები... ქართული ცეკვები... ფორტეპიანოსთან პედაგოგი ნათია ლატარია... განიცდიდა პირველი მასწავლებელი, პედაგოგი - დალი თევზაძე... სურდა მას - განეხორციელებინა ყველა თავისი ჩანაფიქრი... საინტერესო ,,ანბანთქება" გამოვიდა! წინ კი დიდი გზაა გასავლელი!

   პირველკლასელებო, გილოცავთ! თქვენ ხომ უკვე მეორეკლასელები ხართ!

,,მხიარული სტარტები" - მეორე ადგილი!

 29 მაისს ხობის საგანმანათლებლო რესურსცენტრის ინიციატივით, ხობის პირველი საჯარო სკოლის სპორტულ დარბაზში, მუნიციპალიტეტის სკოლებს შორის გაიმართა ,,მხიარული სტარტები"-ს ფინალური ეტაპი. მონაწილეობდა ზონალურ ეტაპზე გამარჯვებული ოთხი სკოლა:ჭალადიდის, ახალი ხიბულის, პირველი მაისის და ხობის პირველი საჯარო სკოლის გუნდები.

   წინასწარ ეტაპზე ჩვენი სკოლის მოსწავლეებმა ხეთის, თორსის და ხამისქურის საჯარო სკოლების ბარიერი წარმატებით დაძლიეს.

   ნახევარფინალში ახალი ხიბულის საჯარო სკოლასთან გამარჯვების შემდეგ -ფინალი ხობის პირველ საჯარო სკოლასთან დაძაბულად წარიმართა და მასპინძელთა დამსახურებული გამარჯვებით დასრულდა.

   ჩვენი სკოლის მოსწავლეთა წარმატებაში დიდი წვლილი მიუძღვით სპორტის მასწავლებლებს - მერაბ ქანდარიას და გრიშა ხიმშიაშვილს.

13 ფინალისტი!

 ,,შერლოკი"-ს ქართული ენის რესპუბლიკურ ოლიმპიადას სსიპ ესტატე შუშანიას სახელობის ხობის მუნიციპალიტეტის სოფელ პირველი მაისის საჯარო სკოლიდან 13 ფინალისტი ჰყავს. ესენი არიან:

1. მაკა კობახიძე (მე-4 კლასი, პედაგოგი ლალი ფეტელავა)

2. თეიმურაზ კვიკვინია (მე-4 კლასი, პედაგოგი ლალი ფეტელავა)

3. თორნიკე კვიკვინია (მე-4 კლასი, პედაგოგი ლალი ფეტელავა)

4.ნატრული მებონია (მე-4 კლასი, პედაგოგი ლალი ფეტელავა)

5.ქეთევან გაბრავა (მე-5 კლასი, პედაგოგი ნინო ცხადაია)

6. ანა კვიკვინია (მე-5 კლასი, პედაგოგი ნინო ცხადაია)

7.ქრისტინე პერტია (მე-6 კლასი, პედაგოგი მანანა ხვიჩია)

8.ბუბა ბერაია (მე-6 კლასი, პედაგოგი მანანა ხვიჩია)

9.ნიკა ფილიპია (მე-7 კლასი, პედაგოგი მანანა ხვიჩია)

10.ირაკლი კვიკვინია (მე-7 კლასი, პედაგოგი მანანა ხვიჩია)

11.გიორგი ჭითანავა (მე-8 კლასი, პედაგოგი ნინელი ხუხია)

12.ჯანო გაბისონია (მე-8 კლასი, პედაგოგი ნინელი ხუხია)

13.ირინა ბერაია (მე-11 ლლასი, პედაგოგი ნინელი ხუხია)

     მეორე ტურის შედეგების მიხედვითაც ჩვენი სკოლა რესპუბლიკის საუკეთესო სკოლების ჩამონათვალში მოხვდა!

    წარმატებები ფინალში!

წარმატებულ სკოლათა შორის!

,,შერლოკი"-ს ქართული ენის რესპუბლიკური ოლიმპიადის პირველი ტურის შემდეგ ოფიციალურ საიტზე გამოქვეყნებული ინფორმაციის მიხედვით სსიპ ესტატე შუშანიას სახელობის ხობის მუნიციპალიტეტის სოფელ პირველი მაისის საჯარო სკოლა საქართველოს საჯარო და კერძო სკოლებს შორის საუკეთესო ოცეულში შევიდა როგორც ყველაზე მეტი გამჭრიახი მოსწავლის აღმომჩენი. პირველი ბარიერი წარმატებით დაძლია ჩვენი სკოლის 36-მა მოსწავლემ (პედაგოგები - ბელა ლაგვილავა, ლალი ფეტელავა, ნინო ცხადაია, ნინელი ხუხია, მანანა ხვიჩია).

   სკოლის დირექცია წარმატებებს უსურვებს მოსწავლეებს შემდეგ ტურებშიც!

ხობის საგანმანათლებლო რესურსცენტრის ინიციატივით ხობის მუნიციპალიტეტების სკოლებში 18-დან 22 მაისის ჩათვლით ჩატარდა უცხო ენების კვირეული თემაზე ,,ზღაპარი".

 პირველი დღე დაეთმო ინგლისურენოვანი ანიმაციური ფილმების ჩვენებას, სიტყვების გარჩევას, ფილმების ანალიზს, დისკუსიას ანიმაციური ფილმების პერსონაჟებზე. ჩართული იყო მე-5, მე-6 და მე-8 კლასელები(პედაგოგები ფატიმან არახამია და სალომე ჯოლოხავა).

  კვირეულის მეორე დღე დაეთმო კრილოვის რუსულ იგავებს მე-8 კლასელთა მონაწილეობით (პედაგოგი გულნარა კრავჩენკო).

   კვირეულის დასკვნითი დღე კი საყოველთაო ზეიმად აქცია რუსული ენის პედაგოგმა ლალი ფეტელავამ. მან საუკეთესოდ წარმოაჩინა მე-5, მე-6, მე-7 კლასელთა შესაძლებლობები, რომლებმაც მიმდინარე სასწავლო წელი ერთი პროგრამით გაიარეს. გაიმართა ვიქტორინა. წაიკითხეს რუსული ლექსები, იმღერეს, მოისმინეს პუშკინის ზღაპარი და უპასუხეს დასმულ კითხვებს, შექმნეს ნახატები... გააკეთეს პრეზენტაცია.

   ვიქტორინა საბოლოოდ ასეთი შედეგით დასრულდა:

1.მე-6 კლასელთა გუნდი ,,გოლუბი" - 64 ქულა(კაპიტანი ნინი ფილიპია)

2-3. მე-5 კლასელთა გუნდი ,,ლასტოჩკი" - 63 ქულა(კაპიტანი ანა კვიკვინია)

მე-7 კლასელთა გუნდი ,,10 მუდრეცოვ"- 63 ქულა(კაპიტანი ირაკლი კვიკვინია)

  გამარჯვებული გუნდები და პედაგოგი ლალი ფეტელავა დაჯილდოვდნენ სიგელებით.

,,კინგსი"-ს ფინალისტები ქართულ ენაში...

მეცხრე კლასელები - ბექა ბუკია და ლევანი ბუსქანძე ,,კინგსი"-ს რესპუბლიკური კონკურსის ფინალისტები არიან ქართულ ენაში. პედაგოგი ნინო ცხადაია.

   ფინალი შედგება 3 მაისს. სკოლის დირექცია წარმატებებს უსურვებს ბექას და ლევანს!

დედამიწის დღისადმი მიძღვნილი კვირეული

  

22 აპრილს სრულიად საქართველოს საჯარო სკოლებმა აღნიშნეს დედამიწის დღე. ჩვენმა სკოლამ დედამიწის თემას კვირეული მიუძღვნა, რომელსაც დაწყებითი კლასების პედაგოგები - ბელა ლაგვილავა და ლალი ფეტელავა ხელმძღვანელობდნენ.

   კვირეულში მონაწილეობა მიიღო პირველი მაისის საჯარო სკოლის დაწყებითი საფეხურის ყველა მოსწავლემ. პირველ დღეს პროექტორის მეშვეობით ისინი გაეცნენ იმ პრობლემებს, რაც აწუხებს დედამიწას. სლაიდებად წარმოდგენილ თითოეულ პრობლემაზე მოსწავლეები გამოთქვამდნენ თავიანთ შეხედულებებს. პრეზენტაციის დასრულებას მოყვა მაიკლ ჯექსონის კლიპის, ხოლო შემდეგ 10-წუთიანი ფილმის ჩვენება სამყაროში არსებული ეკოლოგიური კატასტროფების გასააზრებლად.

    კვირეულის მეორე დღე დაეთმო ესსეს წერას თემაზე ,,დედამიწის ჩივილი". მოსწავლეებს წინა დღეს ნანახის და გაგონილის მიხედვით ფურცლებზე უნდა გადაეტანათ თავიანთი ემოცია, დამოკიდებულება ზოგადსაკაცობრიო პრობლემების მიმართ.

     კვირეულის მესამე დღეს დაწყებითი საფეხურის მოსწავლეებმა თავიანთი დამოკიდებულება დედამიწის თემის მიმართ ნახატებში გამოსახეს.

      მეოთხე დღეს პირველკლასელები(დამრიგებელი დალი თევზაძე) მშობლების და პედაგოგების წინაშე ლექსებით წარდგნენ.

     მეორეკლასელებმა ლექსებთან ერთად სიმღერებით გამოხატეს დედამიწის სიყვარული ( დამრიგებელი ბელა ლაგვილავა, მუსიკის მასწავლებელი ბელა ბუკია).

       მესამეკლასელები(დამრიგებელი ბელა ლაგვილავა) ინტელექტუალური კონკურსით ,,საუკეთესო დედამიწელი" წარდგნენ მაყურებლის წინაშე. ფინალურ ეტაპზე ანრი ბერაიასა და ნიკა ბუკიას პაექრობა ნიკას გამარჯვებით დასრულდა. მოსწავლეებმა საკმაოდ რთულ კითხვებს გასცეს დამაჯერებელი პასუხები.

      მეოთხე დღის ღონისძიების ფინალური გამოსვლა მეოთხეკლასელთა (დამრიგებელი ლალი ფეტელავა) თეატრალიზებული წარმოდგენა იყო. მოსწავლეებმა განსაკუთრებული არტისტიზმით მონუსხეს მაყურებელი. იცეკვეს, იმღერეს, დაუკრეს ფორტეპიანოზე და თავიანთი სათქმელიც თამამად თქვეს:..დედამიწა ჩვენი სახლია, გავუფრთხილდეთ მას!"

     კვირეულის მეხუთე დღეს მეექვსე კლასმა (დამრიგებელი ლალი ბუკია) თავისი საკლასო ოთახი მოაწყო დედამიწის პრობლემებზე სასაუბროდ. მოსწავლეები ყვებოდნენ სანაგვე ურნების დანიშნულებაზე, სკოლაში სისუფთავის დაცვაზე,უამრავ ტკივილზე, რომელზეც ჩივის დედამიწა.

     დასასრულს დაწყებითი საფეხურის მოსწავლეებმა სკოლის ეზოში დარგეს სხვადასხვა ნერგები, როგორც დედამიწის გადარჩენის და კეთილი მომავლის სიმბოლო!

ჭადრაკში ჩემპიონი სკოლა ვართ!

16-17 აპრილს ხობის საგანმანათლებლო რესურსცენტრის ინიციატივით ჩატარდა ხობის მუნიციპალიტეტის საჯარო სკოლების გუნდური ჩემპიონატი ჭადრაკში. ჩემპიონატში მონაწილეობა მიიღო მუნიციპალიტეტის 8 საჯარო სკოლამ. თითოეული გუნდი წარმოდგენილი იყო 3 მოსწავლით(2 ბიჭი, 1 გოგო). ტურნირი გაიმართა წრიული სისტემით.
   ტურნირი იმდენად დაძაბული გამოდგა, რომ ბოლო პარტიამდეც კი გაურკვეველი იყო პრიზიორთა ვინაობა. თანაბარი ქულების გამო პრიზიორები ურთიერთშეხვედრებში დაგროვებული ქულების მიხედვით გამოვლინდნენ.
   საბოლოო გუნდური შედეგები(6 საუკეთესო):
1. პირველი მაისის საჯარო სკოლა (თეიმურაზ კვიკვინია, ნიკა ბუკია, ანა კვიკვინია) - 19,5 ქულა
2. ხობის პირველი საჯარო სკოლა (ლუკა შამუგია, დიმიტრი ლომაია, ბარბარე ლომაია) - 13 ქულა
3.საგვიჩიოს საჯარო სკოლა (დავით გოგოლაძე, კლიმენტი შუბითიძე, ნინო მეგრელიშვილი) - 13 ქულა
4.ხობის მეორე საჯარო სკოლა - 13 ქულა
5.ნოჯიხევის მეორე საჯარო სკოლა - 12,5 ქულა
6.თორსის საჯარო სკოლა - 9 ქულა

     ტურნირზე გამოვლინდნენ გამარჯვებულები დაფების მიხედვით.

პირველი დაფა:
1.ამირან შონია(ნოჯიხევის მეორე საჯარო სკოლა) - 6,5 ქულა
2.ლუკა შამუგია(ხობის პირველი საჯარო სკოლა) - 6 ქულა
3.თეიმურაზ კვიკვინია(პირველი მაისის საჯარო სკოლა) - 5,5 ქულა

მეორე დაფა:
1.ნიკა ბუკია (პირველი მაისის საჯარო სკოლა) - 7 ქულა
2.დიმიტრი ლომაია (ხობის პირველი საჯარო სკოლა) - 6 ქულა
3.კლიმენტი შუბითიძე (საგვიჩიოს საჯარო სკოლა) - 5 ქულა

მესამე დაფა:
1.ანა კვიკვინია (პირველი მაისის საჯარო სკოლა) - 7 ქულა
2.ლიკა ჭანტურია (ხობის მეორე საჯარო სკოლა) - 6 ქულა
3.ნინო მეგრელიშვილი (საგვიჩიოს საჯარო სკოლა) - 5 ქულა

   აღსანიშნავია ის გარემოება, რომ ჩემპიონატის გამარჯვებული პირველი მაისის საჯარო სკოლის გუნდის წევრების საშუალო ასაკი 9 წელია!

    ტურნირის გამარჯვებულები დაჯილდოვდნენ თასებით, მედლებით, დიპლომებით. იყო სასიამოვნო გარემო, საჭადრაკო დაპირისპირებები, დამარცხებით გამოწვეული დროებითი სევდა და გამარჯვებით გამოწვეული სიხარული, მილოცვები და კეთილი სურვილები!
    სკოლის დირექცია ულოცავს თეიმურაზს, ნიკას და ანას მიღწეულს და უსურვებს შემდგომ წარმატებებს! ასევე დასაფასებელია სპორტის მასწავლებლების - მერაბ ქანდარიასა და გრიშა ხიმშიაშვილის ძალისხმევა, რომლებიც ხელს უწყობენ ჭადრაკის - როგორც სპორტის ინტელექტუალური სახეობის განვითარებას სკოლაში!

წარმატებები ინგლისურში...

 ,,შერლოკი"-ს ინგლისური ენის ოლიმპიადის ფინალში მონაწილეობის უფლება მოიპოვეს ჩვენი სკოლის მოსწავლეებმა:

1.მაკა კობახიძემ (მე-4 კლასი, პედაგოგი სალომე ჯოლოხავა)

2.თორნიკე კვიკვინიამ (მე-4 კლასი, პედაგოგი სალომე ჯოლოხავა)

3.ქრისტინე პერტიამ (მე-6 კლასი, პედაგოგი სალომე ჯოლოხავა)

4.ჯანო გაბისონიამ (მე-8 კლასი, პედაგოგი ფატიმან არახამია).

   ,,კინგსი"-ს ინგლისური ენის ოლიმპიადის ფინალში კი გავიდა ჩვენი სკოლის კიდევ 2 მოსწავლე:

1. ნატალი ბუკია (მე-2 კლასი, პედაგოგი სალომე ჯოლოხავა)

2. გიორგი ჭითანავა (მე-8 კლასი, პედაგოგი ფატიმან არახამია)

   ფინალში თავი საუკეთესოდ წარმოაჩინა ქრისტინე პერტიამ, რომელმაც დავალებების 80 პროცენტი შეასრულა!

   ვულოცავთ მოსწავლეებს და მათ პედაგოგებს მიღწეულ წარმატებას!

შეხვედრა ლეგენდარულ ჩემპიონთან!

2015 წლის 1-7 აპრილს თბილისის ნონა გაფრინდაშვილის სახელობის ჭადრაკის სასახლეში გაიმართა გამოჩენილი ქართველი მწვრთნელის - ალექსანდრე ბოკუჩავას ხსოვნისადმი მიძღვნილი სარეიტინგო რესპუბლიკური ტურნირი 16 წლამდე მოჭადრაკეთა შორის, რომელშიც მონაწილეობდა ჩვენი სკოლის 2 მოსწავლე - ანა და თეიმურაზ კვიკვინიები. უნდა აღინიშნოს, რომ ტურნირმა თავი მოუყარა ძალიან ძლიერ შემადგენლობას. თეიმურაზ კვიკვინია ტურნირის ყველაზე პატარა მონაწილე იყო(9 წლის). მიუხედავად ამისა, მან 7 შესაძლებლიდან 3,5 ქულას მოუყარა თავი და საერთაშორისო რეიტინგშიც 4 პუნქტი მოემატა.

   ტურნირის მიმდინარეობისას თბილისის საერთაშორისო საჭადრაკო აკადემიის წინადადებით თეიმურაზს  საშუალება მიეცა მონაწილეობა მიეღო ერთდროული თამაშის სეანსში მსოფლიოს ხუთგზის ჩემპიონის - ნონა გაფრინდაშვილის წინააღმდეგ. ლეგენდარულ ჩემპიონს აკადემიის 10 საუკეთესო ნორჩი მოჭადრაკე დაუპირისპირდა. თეიმურაზის სასახელოდ უნდა ითქვას, რომ პარტიაში სერიოზული მატერიალური უპირატესობა მიიღო, თუმცა დროის სწორად გადანაწილება ვერ მოახერხა და პარტიაც ლოგიკურ დასასრულამდე ვერ მიიყვანა... მიიღო დიდი გამოცდილება და რწმენა იმისა, რომ სწორი სვლებით ნებისმიერ მეტოქესთან შესაძლებელია წარმატების მიღწევა! 2015 წლის 4 აპრილი - შეხვედრა დიდ ჩემპიონთან - დაუვიწყარი იქნება ნორჩი ჩემპიონისთვის...

,,კინგსი" - ინგლისური ენის ფინალი

ცნობილი გახდა ,,კინგსი"-ს ინგლისური ენის რესპუბლიკური ოლიმპიადის ფინალისტთა ვინაობა.

    ფინალისტი გახდა ჩვენი სკოლის მე-5 კლასის მოსწავლე ანა კვიკვინია - პედაგოგი ფატიმან(ფიქრია) არახამია.

    ფინალი შედგა 5 აპრილს. წარმატებები ვუსურვოთ ანას...

მათემატიკა - ოლიმპიადა ,,შერლოკი"-ს ფინალისტები!

   5 აპრილს გაიმართა ,,შერლოკი"-ს მათემატიკური ოლიმპიადის ნახევარფინალი. ეს ეტაპიც წარმატებით დაძლიეს:

1.ნატრული მებონიამ (მე-4 კლასი, პედაგოგი ლალი ფეტელავა)

2.თეიმურაზ კვიკვინიამ (მე-4 კლასი, პედაგოგი ლალი ფეტელავა)

3.ქეთევან გაბრავამ (მე-5 კლასი, პედაგოგი კობა კვიკვინია)

4.ანა კვიკვინიამ (მე-5 კლასი, პედაგოგი კობა კვიკვინია)

5. ანდრო გაბისონიამ (მე-6 კლასი, პედაგოგი კობა კვიკვინია)

6.ჯანო გაბისონიამ (მე-8 კლასი, პედაგოგი ნატო ქირია)

7.გიორგი ტურავამ (მე-11 კლასი, პედაგოგი ნინო კვიკვინია)

   ფინალი გაიმართება 19 აპრილს. წარმატებები ჩვენი სკოლის მოსწავლეებს!

„ედემი'' და ,,ნოეს კიდობანი'' კონკურსზე „ჩვენ ვსწავლობთ ბიბლიას“

  21 მარტს ხობის პირველი საჯარო სკოლის სპორტულ დარბაზში გაიმართა საპატრიარქოს ახალგაზრდული ცენტრის მიერ ორგანიზებული კონკურსის ,,ჩვენ ვსწავლობთ ბიბლია"-ს პირველი ეტაპი, მუნიციპალიტეტების დონეზე.

   როგორც წესი, კონკურსი 2 კატეგორიაში - უმცროსთა და უფროსთა შორის გაიმართა.

   უმცროსთა შორის მონაწილეობდნენ:ხობის პირველი, ხობის მეორე, ჭალადიდისა და პირველი მაისის საჯარო სკოლის გუნდები.

   ჩვენი სკოლის ნორჩ ინტელექტუალთა გუნდი ,,ედემი" წარმოდგენილი იყო შემდეგი შემადგენლობით:

1.პოლინა ფილიპია(გუნდის კაპიტანი)

2. გიორგი ჭითანავა

3.ქრისტინე პერტია

4. ანდრო გაბისონია

5. მარიამ გაბისონია

6.ირაკლი კვიკვინია

7.ქეთევან გაბრავა

    კონკურსის დაწყებიდან გუნდმა ხელთ იგდო ლიდერობა და მოპოვებული უპირატესობა ბოლომდე დამაჯერებლად შეინარჩუნა! 

     უფროს ასაკობრივ კატეგორიაში მონაწილეობდნენ:ხობის პირველი, ხობის მეორე,ხამისქურის, ბიის, საჯიჯაოს პირველი და პირველი მაისის საჯარო სკოლის გუნდები.

      ჩვენს სკოლას წარმოადგენდა გუნდი ,,ნოეს კიდობანი". შემადგენლობა:

1.გიორგი ტურავა (გუნდის კაპიტანი)

2.დათო ლატარია

3. ირინა ბერაია

4. ანა კვიკვინია

5.მარიამ კვიკვინია

6.ლევან ბუსქანძე

7.ჯანო გაბისონია

      უფროსთა კატეგორიაში კონკურსი დაძაბულად წარიმართა და ჩვენი სკოლის გუნდის გამარჯვებით დასრულდა!

     საინტერესოა ის ფაქტი, რომ ორივე ასაკობრივ კატეგორიაში ერთდროულად აქამდე ჩვენი სკოლის ინტელექტუალებს არასოდეს უმარჯვიათ.

     გუნდების წარმატებაში დიდი წვლილი მიუძღვის ქართული ენისა და ლიტერატურის პედაგოგ ნინელი(მზია) ხუხიას, რომელმაც იტვირთა მოსწავლეთა მომზადება. 

    სკოლის დირექცია მადლობას უხდის მას და მუსიკის მასწავლებელ ბელა ბუკიას, რომელმაც მომღერალ გოგონათა მიერ შესრულებული საგალობლებით უზრუნველყო ნორჩ ინტელექტუალთა მხარდაჭერა.

   შემდეგი ეტაპი ზონალური ტური იქნება. წარმატებები ვუსურვოთ ,,ედემს" და ,,ნოეს კიდობანს"!

ოკუპაციის დღე ჩვენს სკოლაში

25 თებერვალს ჩვენი სკოლის მოსწავლეებმა წუთიერი დუმილით პატივი მიაგეს საქართველოს დამოუკიდებლობისათვის ბრძოლაში დაღუპულ გმირებს.

  ჩატარდა კონფერენცია უფროსკლასელთა მონაწილეობით, პედაგოგ შორენა ბუკიას ხელმძღვანელობით.

  დაწყებითი საფეხურის და მერვეკლასელ მოსწავლეთა მიერ შესრულებული იყო ნახატები ოკუპაციის თემაზე (აქტიურად იყვნენ ჩართული პედაგოგები:ნინელი ხუხია, ლალი ფეტელავა და ბელა ლაგვილავა).

  ხსოვნის ნიშნად მთელი დღის მანძილზე დაშვებული იყო ეროვნული დროშა...

  27 თებერვალს დაგეგმილია ოკუპაციის დღისადმი მიძღვნილი ინტელექტუალური ღონისძიება ,,რა, სად, როდის", რითაც დაიხურება ოკუპაციის კვირეული. 

კვლევის შედეგები დაწყებით საფეხურზე

საყოველთაოდ ცნობილია, რომ ბოლო წლებში რამდენიმე საერთაშორისო არასამთავრობო ორგანიზაციამ განათლების სფეროში საქართველოს დაწყებითი საფეხურის მოსწავლეთა დონე ტექსტების კითხვასა და გააზრებაში არადამაკმაყოფილებლად შეაფასა.

  ჩვენი სკოლის დირექციამ საჭიროდ ჩათვალა ამ მიმართულებით ჩაეტარებინა კვლევა დაწყებით საფეხურზე - მე-2 - მე-6 კლასებში. შეიქმნა კომისია შემდეგი შემადგენლობით:1.კობა კვიკვინია(სკოლის დირექტორი), 2.ცისანა რატია (დირექტორის მოადგილე),3.ნინელი ხუხია(სერტიფიცირებული პედაგოგი ქართულ ენასა და ლიტერატურაში),4.ბელა ლაგვილავა(სერტიფიცირებული პედაგოგი დაწყებით განათლებაში).

   კომისიამ 2 კვირა იმუშავა და დადო შემდეგი შედეგები:

კატეგორია - სწრაფად და სწორად კითხვა

გამოიკითხა დაწყებითი საფეხურის 78 მოსწავლე

სტატისტიკა ასეთია:

მაღალი მაჩვენებელი - 35 მოსწავლე - 44,9 პროცენტი

საშუალო მაჩვენებელი - 30 მოსწავლე - 37,8 პროცენტი

დაბალი მაჩვენებელი - 13 მოსწავლე - 17,3 პროცენტი

კატეგორია - ლექსიკური მარაგი

მაღალი მაჩვენებელი - 36 მოსწავლე - 46,2 პროცენტი

საშუალო მაჩვენებელი - 37 მოსწავლე - 47,4 პროცენტი

დაბალი მაჩვენებელი - 5 მოსწავლე - 6,4 პროცენტი

კატეგორია - ლიტერატურული ტექსტის გააზრება

გამოიკითხა 65 მოსწავლე (მესამე-მეექვსე კლასები)

ძალიან კარგი მაჩვენებელი - 6 მოსწავლე - 9,3 პროცენტი

კარგი მაჩვენებელი - 27 მოსწავლე - 41,5 პროცენტი

საშუალო მაჩვენებელი - 23 მოსწავლე - 35,4 პროცენტი

დაბალი მაჩვენებელი - 9 მოსწავლე - 13,8 პროცენტი

კატეგორია - საინფორმაციო ტექსტის გააზრება

ძალიან კარგი მაჩვენებელი - 20 მოსწავლე - 30,8 პროცენტი

კარგი მაჩვენებელი - 24 მოსწავლე - 36,9 პროცენტი

საშუალო მაჩვენებელი - 13 მოსწავლე - 20 პროცენტი

დაბალი მაჩვენებელი - 8 მოსწავლე - 12,3 პროცენტი

  კვლევამ განსაკუთრებული ინტერესი გამოიწვია მოსწავლეებში, განსაკუთრებით სპორტული ინტერესი იგრძნობოდა სწრაფად და სწორად კითხვის კატეგორიაში.

  ანალოგიური კვლევა იგეგმება აპრილის თვეშიც. მოსწავლეები შეეცდებიან გააუმჯობესონ შედეგები.

მასწავლებელი - სახელად დურუ კობახიძე...

ათეული წლები გაატარა ხობის რაიონის ესტატე შუშანიას სახელობის პირველი

მაისის საჯარო სკოლაში... ახსოვს ყველას, ვისაც ეს სკოლა დაუმთავრებია...
     მასთან მიდიოდნენ, ეკითხებოდნენ, მისგან სწავლობდნენ ფიზიკას... და არა მარტო ფიზიკას - ცხოვრებას! დახვეწილი ინტელიგენტი წლების მანძილზე კოხტად დაიარებოდა ჩვენი სოფლის ქუჩებში... უყვარდათ... აფასებდნენ...
  ,,ვაჰ, დრონი, დრონი..." წავიდა... აღარ არის ჩვენთან მასწავლებელი - სახელად დურუ კობახიძე...
   მარადიული ხსოვნა... ნათელი მის სულს...
   

საჭადრაკო წარმატებები

 4-8 თებერვალს, ქ. ფოთის ნანა ალექსანდრიას სახელობის საჭადრაკო სკოლაში გაიმართა სამეგრელო-ზემო სვანეთის რეგიონის ჩემპიონატი 18, 14, 10 და 7 წლის ჭაბუკთა და გოგონათა შორის. ჩემპიონატში მონაწილეობდა ფოთის, ზუგდიდის, ხობის, სენაკის, მარტვილის, აბაშის და წალენჯიხის 100-მდე მოჭადრაკე. ტურნირი შვეიცარული სისტემით, 9 ტურად ჩატარდა. 

     კლასიკურ ჭადრაკში თავი გამოიჩინეს ჩვენი სკოლის მოსწავლეებმა - თეიმურაზ და ანა კვიკვინიებმა. თეიმურაზი 10 წლამდე ჭაბუკთა კატეგორიაში მეორე ადგილზე, ხოლო ანა 14 წლამდე გოგონათა კატეგორიაში მეოთხე ადგილზე გავიდა.

   ტურნირის დასკვნით დღეს ჩატარდა რეგიონის ჩემპიონატი ელვისებურ ჭადრაკში 3-წუთიანი დროის კონტროლით - ყოველ სვლაზე 2 წამის დამატებით.დაძაბული პაექრობები 10 წლამდე კატეგორიის ჭაბუკთა შორის საბოლოოდ თეიმურაზ კვიკვინიას გამარჯვებით დასრულდა.  

   სხვა ასაკობრივ კატეგორიებს მარტის დასაწყისში ქალაქი ზუგდიდი უმასპინძლებს.

მერვეკლასელთა ღია საახალწლო გაკვეთილი

 მეტად სახალისო და თვალსასეირო გამოდგა ღია საახალწლო გაკვეთილი მერვეკლასელთა მონაწილეობით,  პედაგოგ ნინელი ხუხიას ხელმძღვანელობით. კლასი ორ გუნდად გაიყო. გოგონების გუნდი ,,მეკვლე" პოლინა ფილიპიას კაპიტნობით - ჭაბუკთა გუნდ ,,ზამთარ"-ს(კაპიტანი ჯანო გაბისონია) დაუპირისპირდა:საახალწლო თემის ცოდნაში, სიმღერაში, პოეზიაში, სხვადასხვა სახის სახალისო დავალებების შესრულებაში...

   გაკვეთილის ბოლოს სკოლის დირექტორმა კობა კვიკვინიამ საქართველოს უზენაეს სასამართლოს კონკურსში „ბავშვის თვალით დანახული სასამართლო“ გამარჯვებული ნახატის ავტორს პოლინა ფილიპიას კიდევ ერთხელ მიულოცა წარმატება და გადასცა გამარჯვებულისათვის განკუთვნილი სერთიფიკატი და სპეციალური პრიზები.

    სკოლის დირექტორმა ასევე მადლობა გადაუხადა დამრიგებელ ნინელი ხუხიას აქტიური პედაგოგიური მოღვაწეობისთვის...

თ.ლომაიას მემორიალი

თბილისში, ნონა გაფრინდაშვილის სახელობის ჭადრაკის სასახლეში დასრულდა თ.ლომაიას რესპუბლიკური მემორიალი ჭადრაკში.

   ხობელთა შორის საუკეთესო შედეგი აჩვენა სსიპ ესტატე შუშანიას სახელობის ხობის მუნიციპალიტეტის სოფელ პირველი მაისის საჯარო სკოლის მე-3 კლასის მოსწავლე ნიკა ბუკიამ(მწვრთნელი - ირაკლი გეთია). მან 7 შესაძლებლიდან 6 ქულით მე-2-მე-4 ადგილები გაიყო და დამატებითი კოეფიციენტებით ერგო მე-4 ადგილი. აღსანიშნავია, რომ ამ კატეგორიაში 90-მდე ნორჩი მოჭადრაკე მონაწილეობდა.

   ნიკა ბუკია ჩვენი სკოლის წარჩინებული მოსწავლეა. მან არაერთ საგნობრივ ოლიმპიადაზეც ისახელა 2014 წელს თავი. ვულოცავთ ნიკას წარმატებებს და ვუსურვებთ 2015 წელს კიდევ უფრო დიდ გამარჯვებებს!