გაეცანით პირველი მაისის საჯარო სკოლის პედაგოგის სოციალურ პროექტს - „ღვთის შვილები“

ესტატე შუშანიას სახელობის ხობის მუნიციპალიტეტის პირველი მაისის საჯარო სკოლის დაწყებითი კლასების მასწავლებელი ბელა ლაგვილავა აქტიურად მუშაობს პროფესიული და კარიერული წინსვლისთვის.

ამჯერად წარმოგიდგენთ მის მიერ განხორციელებულ სოციალურ პროექტს თემაზე - „ღვთის შვილები“.
წყარო: https://www.etaloni.ge

კონკურსი „ჩვენ ვსწავლობთ ბიბლიას“

თბილისში, საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში, ინტელექტუალური კონკურსის „ჩვენ ვსწავლობთ ბიბლიას“ ფინალი გაიმართა. 

ხობის მუნიციპალიტეტის სოფელ პირველი მაისის საჯარო სკოლის გუნდი ,,ნოეს კიდობანი" ხუთეულში გავიდა და სამცხე-ჯავახეთში სამდღიანი ექსკურსიით დაჯილდოვდა. 

„ჩვენ ვსწავლობთ ბიბლიას“ ფინალურ თამაშის ჟიურის წევრი ცაგერისა და ლენტეხის მთავარეპისკოპოსი სტეფანე (კალაიჯიშვილი) იყო. ფინალისტ გუნდებს, გუნდის მომღერლებს და მასწავლებლებს საპატრიარქოს ახალგაზრდული ცენტრისაგან პატრიარქის ავტოგრაფით სიგელები გადაეცათ. 

პირველი მაისის საჯარო სკოლის გუნდის ტრანსპორტირება ხობის მუნიციპალიტეტის მერიის დაფინანსებით განხორციელდა.

ინტელექტუალური კონკურსი „ჩვენ ვსწავლობთ ბიბლიას“ ათი წელია, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის ილია II -ის ლოცვა-კურთხევით, საპატრიარქოს ახალგაზრდული ცენტრის ორგანიზებით და საქართველოს განათლების, მეცნიერტების, კულტურის, და სპორტის სამინისტროს მხარდაჭერით ტარდება. 

FB