ქართული ენისა და ლიტერატურის ინტეგრირებული გაკვეთილი ხელოვნებასთან-ფიროსმანის სამყარო
მასწავლებლები - ნინელი ხუხია და თეა ტყებუჩავა...,,სიკვდილით იწყება სიცოცხლე"
“ჩემი ცხოვრება ჯვარცმაა, რასაც ვეწამები. სასტიკად ვიტანჯები ყველა მედუქნის კინტოსა და სხვა ნაძირალის თვითნებობისგან…
მე ვიცნობ ჩემი ქვეყნის ისტორიას, ვიცნობ რუსთაველს, ილიას, ვაჟას… მე მათ ჩემებურად ვხატავ. დაე, სხვებმა გაიცინონ ჩემს ნამუშევრებზე… მაგრამ მე ჩემი გზით მივდივარ.
ცხოვრება კონტრასტია: მდიდარი – ღარიბი, კეთილი – ბოროტი…
როცა ორთაჭალის ტურფებს ვხატავ, მე მათ შავი ცხოვრების ფონზე ვათავსებ, მაგრამ მათაც აქვთ ცხოვრების სიყვარული – ეს არის მათ ირგვლივ მოთავსებული ყვავილები და ჩიტები. მათ თეთრ ზეწრებში გახვეულებს ვხატავ, მებრალებიან, თეთრი ფერით ცოდვებს ვაპატიებ.
უშვილო მილიონერი მდიდარია, ბედნიერი, სხვისი უბედურებისათვის ყრუა. ის ბატონია. ბავშვებიანი ღარიბები ფეხშიშვლები, მშივრები არიან. ისინი მებრალებიან.”
ეს ფიროსმანის სიტყვებია... დაღლილი იყო… ავადმყოფობით, შიმშილით, დაუფასებლობით…
სიბნელესა და ნესტში გაატარა ცხოვრება... ავად გახდა და გარდაიცვალა.
არავინ იცის, სად დაასაფლავეს ნიკალა.
საღებავებზე, ძვირფას ტილოსა და საკუთარ ოთახზე ოცნება ჩვენთვის უცნობ საფლავში წაიღო გენიოსმა მხატვარმა.
დღეს კი ფიროსმანი ჩვენთან იყო.. ბავშვები გაეცნენ ფიროსმანის სამყაროს ...მის უკვდავებას....მოიძიეს ინფორმაცია ფიროსმანზე..გააკეთეს ინსცენირება ექსპრონტად... გააცოცხლეს ნახატებში ფიროსმანი. იყო ვიდეორგოლისჩვენება....მუსიკის მოსმენა....ფიროსმანზე ლექსების მოძიება და კითხვა
