მრავალ ახალ წელს!!! (ფოტო)

 საახალწლო ჟრიამული სუფევდა პირველი მაისის საჯარო სკოლაში... კლასები ერთმანეთს ეჯიბრებოდნენ - ვინ უკეთ მორთავდა საკლასო ოთახს, ვინ უკეთ იტყოდა ლექსს, ვინ უკეთ იმღერებდა...

   საახალწლო თემაზე ღია გაკვეთილი-ვიქტორინა მოაწყო მე-8 კლასმა (პედაგოგი ნინელი ხუხია)... ქართულ-ინგლისურად მიულოცა დამსწრე საზოგადოებას ახალი წელი პირველმა კლასმა (პედაგოგები დალი თევზაძე და ფატიმან არახამია)... შთამბეჭდავი და დაუვიწყარი იყო მეოთხეკლასელთა საახალწლო მინი-სპექტაკლი(პედაგოგი ლალი ფეტელავა).

   დღის მთავარი წარმოდგენა სოფლის კლუბის სცენაზე გაიმართა.სალომე ჯოლოხავას მეცხრე კლასი წარდგა სოფლის საზოგადოების წინაშე. სცენა, გემოვნებიანი კოსტუმები, დახვეწილი ჩაცმულობა, ლამაზი მელოდია, ძლიერი ხმები, იუმორისტული სკეჩები, ქართული და უცხოური ცეკვები... იყო ყველაფერი, რაც შეეფერება საახალწლო განწყობილებას... 

   დასასრულს სკოლის დირექტორმა კობა კვიკვინიამ მადლობა გადაუხადა დამსწრე საზოგადოებას, მეცხრე კლასს და მის დამრიგებელს - სალომე ჯოლოხავას. დიპლომი გადასცა მას აქტიური პედაგოგიური მოღვაწეობისთვის, ხოლო მეექვსე კლასის დამრიგებელ ლალი ბუკიას სიგელი გადაეცა კლასის საუკეთესო საახალწლო მორთულობისათვის.

   მრავალ ახალ წელს!!!

ზუგდიდის საახალწლო ფესტივალი

 ზუგდიდის საახალწლო ფესტივალი 10 წლამდე მოჭადრაკეთა კატეგორიაში პირველმაისელი და-ძმის - ანა და თეიმურაზ კვიკვინიების გამარჯვებით დასრულდა!

  2014 წლის საქართველოს ჩემპიონმა 8 წლამდე კატეგორიაში თეიმურაზ კვიკვინიამ 9 შესაძლებლიდან 8 ქულა დააგროვა და ნახევარი ქულით გაასწრო 2014 წლის საქართველოს ვიცე-ჩემპიონს 10 წლამდე კატეგორიაში - ზუგდიდელ გიორგი ნაყოფიას. მესამე ადგილი კი 6,5 ქულით წილად ხვდა ანა კვიკვინიას. ეს შედეგი გოგონათა შორის საუკეთესო იყო.

  ღია ტურნირში შესაბამისად მე-12 და მე-15 შედეგები აჩვენეს ხობელებმა - ლუკა შამუგიამ და გიორგი ლატარიამ.

   ფესტივალმა სულ ასამდე რეგიონის მოჭადრაკეს მოუყარა თავი. პრიზიორები თასებით,  მედლებით და დიპლომებით დაჯილდოვდნენ.

,,ანა კალანდაძე - პოეზიის დედოფალი"

 19 დეკემბერს ჩვენს სკოლაში ჩატარდა ქართველი პოეტი ქალის, ანა კალანდაძის დაბადებიდან 90-ე წლისთავისადმი მიძღვნილი პოეზიის საღამო - ,,ანა ,კალანდაძე - პოეზიის დედოფალი"- მეხუთეკლასელთა მონაწილეობით, ქართული ენისა და ლიტერატურის მასწავლებლის ნინო ცხადაიას ხელმძღვანელობით. კლასის ოთხმა ჯგუფმა იმუშავა პოეტის იუბილესადმი მიძღვნილი კედლის გაზეთების შექმნაზე, მოსწავლეებმა ანა კალანდაძის პოეზიაზე შექმნილი სიმღერების ფონზე წაიკითხეს პოეტის ლექსები, ასევე პოეტის ლექსების შინაარსის მიხედვით გაკეთდა ნახატების გამოფენა.

მათემატიკა - ,,კინგსი"-ს ფინალისტები

,,კინგსი"-ს ფინალისტები გახდნენ მათემატიკაში ჩვენი სკოლის მოსწავლეები:

1.ნუკრი თოდუა - მე-2 კლასი (პედაგოგი ბელა ლაგვილავა)

2. ნიკა ბუკია - მე-3 კლასი (პედაგოგი ბელა ლაგვილავა)

3.ნატრული მებონია - მე-4 კლასი (პედაგოგი ლალი ფეტელავა)

4.ლევანი ბუკია - მე-4 კლასი (პედაგოგი ლალი ფეტელავა)

5.თეიმურაზ კვიკვინია - მე-4 კლასი (პედაგოგი ლალი ფეტელავა)

6.ქეთევან გაბრავა - მე-5 კლასი (პედაგოგი კობა კვიკვინია)

7.ანა კვიკვინია - მე-5 კლასი (პედაგოგი კობა კვიკვინია)

ფინალი გაიმართება 21 დეკემბერს.

პედაგოგი ნათია ლატარია ოთხი შვილის დედაა!!!!

  

2014 წლის 6 ნოემბერს ქვეყანას ტყუპი ძმა - გაბრიელი და ნიკოლოზი მოევლინა! ჩვენი სკოლის მუსიკის მასწავლებელი - ნათია ლატარია და მისი მეუღლე - დათო ქირია  უკვე ოთხგზის მშობლები და ჩვენი დროის გმირები  არიან!

      სკოლის დირექცია ულოცავს ოჯახს ბრწყინვალე მოვლენას!

      გფარავდეთ უფალი!  

,,ლონდონსქული"-ს ფინალისტები!

 ლონდონის ინგლისური ენის სკოლის მიერ ორგანიზებული და ხელნაწერთა ეროვნული ცენტრის მიერ მხარდაჭერილი ქართული ენის ოლიმპიადის მეორე ტურიც მიილია და ცნობილი გახდა ფინალისტების ვინაობა.

    ფინალისტთა შორის არიან ჩვენი სკოლის მოსწავლეებიც:

1.ნიკა ბუკია - მე-3 კლასი (პედაგოგი ბელა ლაგვილავა)

2.მაკა კობახიძე - მე-4 კლასი (პედაგოგი ლალი ფეტელავა)

3.ანა კვიკვინია - მე-5 კლასი (პედაგოგი ნინო ცხადაია)

4.ანდრო გაბისონია - მე-6 კლასი (პედაგოგი მანანა ხვიჩია)

5.ქრისტინე პერტია - მე-6 კლასი (პედაგოგი მანანა ხვიჩია)

6.მარიამ გაბისონია - მე-6 კლასი (პედაგოგი მანანა ხვიჩია)

ფინალი გაიმართება 21 დეკემბერს.

სკოლის დირექცია ულოცავს და უსურვებს წარმატებებს!

მაკა კობახიძე მესამე ხარისხის დიპლომანტია!

ცნობილი გახდა ,,კინგსი"-ს ოლიმპიადის  ფინალური ეტაპის შედეგები ქართულ ენაში. 

   2 შესარჩევი ტურის წარმატებით დაძლევის შემდეგ ფინალურ ეტაპზე ჩვენი სკოლის 7 მოსწავლე მოხვდა. ფინალში კი მათგან მე-4 კლასის მოსწავლე - მაკა კობახიძე გამოირჩა. მისი ნამუშევარი მე-3 ხარისხის დიპლომით შეფასდა.მაკას წარმატებაში წვლილი მიუძღვის მის პედაგოგს და დამრიგებელს - ლალი ფეტელავას.

  სკოლის დირექცია ულოცავს მაკას და მის პედაგოგს წარმატებას!

პოლინა ფილიპიას წარმატება!

საქართველოს უზენაეს სასამართლოში კონკურსში „ბავშვის თვალით დანახული სასამართლო“ გამარჯვებული ნახატების გამოფენა გაიმართა. კონკურსი უზენაესი სასამართლოს შენობის 120 წლის იუბილეს ფარგლებში ჩატარდა და მასში საქართველოს ყველა რეგიონის საჯარო სკოლის მოსწავლეებმა მიიღეს მონაწილეობა.

    წარმოდგენილი ნახატებიდან სპეცილურმა კომისიამ 28 ნახატი შეარჩია, რომელთა ავტორებიც სერთიფიკატებითა და სპეციალური პრიზებით დაჯილდოვდნენ. 

    კონკურსი საქართველოს განათლებისა და მეცნიერების სამინისტროს მხარდაჭერით ჩატარდა. დასკვნით ღონისძიებას სამინისტროს წარმომადგენლები დაესწრნენ.

   როგორც ჩვენი სკოლის დირექციას აცნობეს - გამარჯვებულთა შორისაა სსიპ ესტატე შუშანიას სახელობის სოფელ პირველი მაისის საჯარო სკოლის მე-8 კლასის წარჩინებული მოსწავლე პოლინა ფილიპია! პედაგოგი და დამრიგებელი ნინელი ხუხია.

   სკოლის დირექცია ულოცავს პოლინას წარმატებას!

ჭადრაკი

 2 დეკემბრიდან 6 დეკემბრის ჩათვლით ზუგდიდის საჭადრაკო სკოლაში გაიმართა საქართველოს დამსახურებული მწვრთნელის ნუგერ შოგირაძის ხსოვნისადმი მიძღვნილი რიგით მე-4 შეჯიბრება ჭადრაკში. მემორიალი ჩატარდა 8 და 12 წლამდე ჭაბუკთა და გოგონათა შორის შვეიცარული სისტემით 9 ტურად. მასში 62 მოჭადრაკემ მიიღო მონაწილეობა. 

   10 წლამდე ჭაბუკთა შორის პირველი ადგილი თეიმურაზ კვიკვინიამ, ხოლო გოგონათა შორის ანა კვიკვინიამ დაიკავა.

დაჯილდოება

 

7 დეკემბერს ზუგდიდის მეორე საჯარო სკოლაში შედგა სამოქალაქო განათლებაში რესპუბლიკურ ოლიმპიადაზე მეორე ტურში გადასულ სამეგრელო-ზემო სვანეთის რეგიონის მოსწავლეთა დაჯილდოება. ოლიმპიადის ორგანიზატორებმა ფასიანი საჩუქრები გადასცეს წარმატებულ მოსწავლეებს.

  შეფასებისა და გამოცდების ეროვნული ცენტრის ხელმძღვანელმა, ქალბატონმა მაია მიმინოშვილმა ჩვენი სკოლის მოსწავლეებს სამახსოვრო ფოტოები და წიგნებზე ავტოგრაფები უსახსოვრა.

  წინ მეორე ტურია...

ცნობილი გახდა სამოქალაქო განათლებაში რესპუბლიკური ოლიმპიადის პირველი ტურის შედეგები

საქართველოს სკოლების 20 ათასიდან  მეორე ტურში გადავიდა 2 ათასი მოსწავლე. მათ შორის ხობის მუნიციპალიტეტის სკოლების 35 მოსწავლე. რაოდენ გასახარია, რომ სსიპ ესტატე შუშანიას სახელობის ხობის მუნიციპალიტეტის სოფელ პირველი მაისის საჯარო სკოლიდან პირველი ბარიერი დაძლიეს:

1. ირინა ბერაიამ (34 ქულა,მე-11 კლასი, პედაგოგი შორენა ბუკია, დამრიგებელი ნინო კვიკვინია)

2.ბექა ბუკიამ (32 ქულა, მე-9 კლასი,პედაგოგი ნინო ცხადაია, დამრიგებელი სალომე ჯოლოხავა)

3.მარიამ კვიკვინიამ (31 ქულა, მე-11 კლასი, პედაგოგი შორენა ბუკია, დამრიგებელი ნინო კვიკვინია)

4.ანზორ ბუკიამ (31 ქულა, მე-10 კლასი, პედაგოგი და დამრიგებელი შორენა ბუკია)

5.თამარ ტურავამ (31 ქულა, მე-9 კლასი, პედაგოგი ნინო ცხადაია, დამრიგებელი სალომე ჯოლოხავა)

6.ანა კვიკვინიამ (30 ქულა, მე-11 კლასი, პედაგოგი შორენა ბუკია, დამრიგებელი ნინო კვიკვინია)

7.ლევან ბუსქანძემ (29 ქულა,მე-9 კლასი, პედაგოგი ნინო ცხადაია, დამრიგებელი სალომე ჯოლოხავა)

8.ირაკლი თოდუამ (28 ქულა, მე-10 კლასი, პედაგოგი და დამრიგებელი შორენა ბუკია)

9.ნიკა გაბისონიამ (28 ქულა, მე-9 კლასი, პედაგოგი ნინო ცხადაია, დამრიგებელი სალომე ჯოლოხავა)

     მეორე და მესამე ტურში ძირითადი აქცენტი გაკეთდება კრიტიკული აზროვნების, არგუმენტირებული მსჯელობის, შემოქმედებითობის, ე. წ. დილემური სიტუაციების ზნეობრივი პოზიციებიდან განსჯისა და პრობლემის გადაწყვეტის უნარზე. 

    სკოლის დირექცია ულოცავს მოსწავლეებსა და პედაგოგებს მიღწეულს და უსურვებს შემდგომ წარმატებებს!

სამოქალაქო განათლების ოლიმპიადის პირველი ტური 22 ნოემბერს გაიმართა.

22 ნოემბერს გაიმართა ოლიმპიადის პირველ ტურში მონაწილეობა მიიღო საქართველოს ყველა რეგიონის 1277 სკოლის 20 ათასამდე მოსწავლემ. მოსწავლეებმა ტესტირება საკუთარ სკოლებში გაიარეს.

ტესტირება კომპიუტერულად ჩატარდა. საკუთარ შედეგს მონაწილეები ტესტირების დასრულებისთანავე იგებდნენ - მიღებული ქულა მონიტორზე ჩანდა.

  აღნიშნულ ღონისძიებაში ჩაერთო სსიპ ესტატე შუშანიას სახელობის ხობის მუნიციპალიტეტის სოფელ პირველი მაისის საჯარო სკოლის 20 მოსწავლე. მაღალი შედეგები დააფიქსირეს:

      ირინა ბერაიამ (მე-11 კლასი, პედაგოგი შორენა ბუკია) - 34 ქულა;

       ბექა ბუკიამ (მე-9 კლასი, პედაგოგი ნინო ცხადაია) - 32 ქულა;

       ანზორ ბუკიამ (მე-10 კლასი, პედაგოგი შორენა ბუკია) - 31 ქულა;

       მარიამ კვიკვინიამ (მე-11 კლასი, პედაგოგი შორენა ბუკია) - 31 ქულა;

       ანა კვიკვინიამ (მე-11 კლასი, პედაგოგი შორენა ბუკია) - 30 ქულა.

   სამოქალაქო განათლების ოლიმპიადის ინიციატორია ორგანიზაცია "მოქალაქე". პროექტს ახორციელებს შეფასებისა და გამოცდების ეროვნული ცენტრი. ოლიმპიადის მე-2 ტურში გადავა საქართველოს საჯარო სკოლების 2000 საუკეთესო შედეგის მქონე მოსწავლე. მეორე ტურში გადასულთა სიები რამდენიმე დღეში გახდება ცნობილი.

,,კინგსი“-ს ფინალისტები

ჩვენი სკოლის მე-8 კლასის მოსწავლეები - პოლინა ფილიპია და გიორგი ჭითანავა ,,კინგსი“-ს რესპუბლიკური ოლიმპიადის ფინალისტები არიან ქართულ ენასა და ლიტერატურაში.  პედაგოგი ნინელი ხუხია.
ფინალისტები გახდნენ ასევე:
ილია თოდუა(მე-3 კლასი, პედაგოგი ბელა ლაგვილავა), ქეთევან რიგვავა, მაკა კობახიძე, თორნიკე კვიკვინია და ბექა ბუკია(პედაგოგი ლალი ფეტელავა).

   ფინალი გაიმართება 30 ნოემბერს.

   სკოლის დირექცია ულოცავს და შემდგომ  წარმატებებს უსურვებს წარჩინებულ მოსწავლეებს!

6 ფინალისტი!

ჩვენი სკოლის მე-3 კლასელები - დათო ლომაია და ალექსანდრე ტურავა, მე-4 კლასელები - მაკა კობახიძე, ნატრული მებონია და თეიმურაზ კვიკვინია (ყველას პედაგოგი სალომე ჯოლოხავა), მე-5 კლასელი ანა კვიკვინია( პედაგოგი ფატიმან არახამია) - 2 ტურის წარმატებით დაძლევის შემდეგ ,,კინგსი"-ს ინგლისური ენის რესპუბლიკური ოლიმპიადის ფინალისტები არიან!

   ფინალი შედგება კვირას, 9 ნოემბერს, ქუთაისში.

   სკოლის დირექცია ულოცავს მოსწავლეებს და მათ მასწავლებლებს მიღწეულს და უსურვებს შემდგომ წარმატებებს!

მასწავლებლობა უდიდესი შრომაა

მასწავლებლობა უდიდესი შრომაა, ტვირთია,რომლის ღირსეულად ტარებასაც ბევრი ვერ უძლებს. მერი მასწავლებელმა 48 წელი ზიდა ეს ტვირთი სიყვარულით, სიკეთითა და მზრუნველობით. ხუმრობა საქმე ხომ არ არის წლების მანძილზე ასწავლო ათასზე მეტ მოზარდს მათემატიკა, ადამიანობა, ცხოვრება... 

    2013-14 სასწავლო წელი რომ მთავრდებოდა, მერი მასწავლებელმა თქვა: უნდა წავიდე! ასაკს ვგრძნობო... ყველას ეგონა, ხუმრობდა... მოვიდა ახალი სასწავლო წელი და აღმოჩნდა,რომ მართლაც მიდიოდა!

   სკოლის კედლები, ბავშვები, მშობლები, მასწავლებლები, საზოგადოება... ცრემლმორეული პედაგოგი - მერი თაკვარელია ყვავილებით ხელში... მოგონებები... ბევრი მადლობა... პედაგოგების - ნინელი ხუხიას, ნინო ცხადაიას და ნათია ლატარიას მიერ წარმოდგენილი პროექტი ,,მასწავლებელი" - მერვე, მეცხრე, მეთერთმეტეკლასელთა შესრულებით... ასეთი იყო ოქროსფერი შემოდგომის ღვინობისთვის თხუთმეტი ჩვენს სკოლაში.

   წასვლასაც თავისი ხიბლი აქვს... როგორ ლამაზადაც განვლო თბილისელმა ქალბატონმა ხობში პირადი, პედაგოგიური და საზოგადოებრივი ცხოვრება - ასევე ლამაზად დაემშვიდობა მშობლიურ პირველი მაისის საჯარო სკოლას.

   დიდი მადლობა, მერი მასწავლებელო! დიდი მადლობა!!!

8 წლის თეიმურაზ კვიკვინიას მნიშვნელოვანი წარმატება

25 ოქტომბერს ბათუმის ახალგაზრდული ევროპის ჩემპიონატის მონაწილეები ევროპის თასის გათამაშებაში ჩაერთნენ, ამჯერად საჭადრაკო კომპოზიციების ამოხსნაში. სულ ევროპის 11 ქვეყნის 64-მა მოჭადრაკემ სცადა თავისი შესაძლებლობები 10 და 14-წლამდელთა კატეგორიაში.

  

   10 წლამდე ჭაბუკებში ასეთი შედეგები დაფიქსირდა:

1.ნიკოლოზ კაჭარავა (საქართველო,რეიტინგი 1814) - 30 ქულა

2.ანდრეი ცვეტკოვი (რუსეთი, რეიტინგი 1875) - 28 ქულა

3.თეიმურაზ კვიკვინია (საქართველო, ურეიტინგო) - 20 ქულა

4.მაქსიმ ცარიუკი (ბელორუსია,რეიტინგი 1638) - 19 ქულა

5.სტეფან პოღოსიანი (რუსეთი, რეიტინგი 1898) - 18 ქულა

  

   8 წლის თეიმურაზისთვის ეს მნიშვნელოვანი წარმატებაა, მით უფრო რომ ამ ტიპის ჩემპიონატში პირველად მიიღო მონაწილეობა. ევროპის თასის მთავარი მსაჯი იყო მსოფლიოს სამგზის ჩემპიონი საჭადრაკო კომპოზიციაში -  დავით გურგენიძე.

ნონა გაფრინდაშვილის სახელობის თბილისის საერთაშორისო ტურნირი ჭადრაკში

17 სექტემბერს დასრულდა მსოფლიოს ხუთგზის ჩემპიონის - ნონა გაფრინდაშვილის სახელობის თბილისის საერთაშორისო ტურნირი ჭადრაკში. სხვადასხვა ასაკობრივ კატეგორიაში თავი მოიყარა 260-მდე მოჭადრაკემ მსოფლიოს ათამდე ქვეყნიდან. მონაწილეთა შორის იყვნენ ხობელი მოჭადრაკეებიც.

   მიმდინარე წელს კიდევ ერთი წარმატება მიითვალა აქტივში ხობის მუნიციპალიტეტის სოფელ პირველი მაისის საჯარო სკოლის მე-4 კლასის მოსწავლე თეიმურაზ კვიკვინიამ. 8 წლამდე ჭაბუკთა ასაკობრივ კატეგორიაში თავი მოიყარა საქართველოს ჩემპიონატზე თავგამოჩენილმა უძლიერესმა შემადგენლობამ.  რეიტინგიანი ირანელი და სომეხი მოჭადრაკის მონაწილეობა დაძაბულობას მატებდა ტურნირის მიმდინარეობას ამ ასაკობრივ კატეგორიაში.

საბოლოო შედეგები ასე გამოიყურება:

1. დანიშვარ ბარდია(ირანი) 9 ქულა

2.თეიმურაზ კვიკვინია (საქართველო, ხობი) 6,5 ქულა

3.ალექსანდრე ყორღანაშვილი (საქართველო, თბილისი) 6 ქულა

ტურნირის გამარჯვებულებს გადაეცათ დიპლომები, მედლები და ფულადი პრიზები.

    თეიმურაზ კვიკვინიას 18 ოქტომბრიდან დიდი გამოცდა ელის. ის პირველად მიიღებს მონაწილეობას ევროპის ასაკობრივ ჩემპიონატზე, რომელსაც ქალაქი ბათუმი უმასპინძლებს. თეიმურაზთან ერთად მონაწილეობას მიიღებენ ხობელები - დიანა ლომაია და ანა კვიკვინია. წარმატებები!!!

ეროვნული გამოცდების შედეგები

ცნობილი გახდა ეროვნული გამოცდების შედეგები. რაოდენ სასიხარულოა, რომ გამოცდების ეროვნული ცენტრის მიერ გამოქვეყნებული სიების მიხედვით ჩვენი სკოლის 9 კურსდამთავრებული გახდა სტუდენტი!

ესენი არიან:
1.ნანა იოსავა - 50-პროცენტიანი გრანტით - თსუ
2.თინათინ კვიკვინია - 50-პროცენტიანი გრანტით - ილიას უნივერსიტეტი
3.ანა კვიკვინია - უფასო ფაკულტეტზე - თსუ
4.ჟორა გაბისონია - უფასო ფაკულტეტზე - ტექნიკური უნივერსიტეტი
5.ნინო დემნას ასული კვიკვინია - თსუ სოხუმის ფილიალი
6.ნინო გოჩას ასული კვიკვინია - თსუ
7.დემური ხიმშიაშვილი - საქართველოს უნივერსიტეტი
8.საბა გაბრავა - საქართველოს უნივერსიტეტი.
9.მერაბი გაბისონია - საქართველოს უნივერსიტეტი

სკოლის დირექცია ულოცავს ჩვენს კურსდამთავრებულებს წარმატებას და ბედნიერ სტუდენტობას უსურვებს! გზები დაგვილოცნია! 

გუნდი ,,ედემი" ბოლნისის ეპარქიაში

ჩვენი სკოლის ნორჩ ინტელექტუალთა გუნდი ,,ედემი" ამა წლის 26-27 ივლისს მიწვეული იყო ბოლნისის ეპარქიაში ექსკურსიით - საპატრიარქოს ახალგაზრდული ცენტის მიერ ორგანიზებულ ბიბლიის კონკურსზე წარმატებისთვის.

  ტანძია, ბოლნისის სიონი, კაზრეთის სამება, წუღრუღაშენი - ეს არასრული ჩამონათვალია ქვემო ქართლის ბოლნისის ეპარქიის იმ წმინდა ადგილებისა, რომელიც ექსკურსიით დაჯილდოებულმა საქართველოს 6 სკოლის მოსწავლეებმა მოილოცეს.

  ბოლნისის ეპარქიის წინამძღვარმა - მეუფე ეფრემმა და კონკურსის ორგანიზატორმა, ცაგერისა და ლენტეხის ეპარქიის წინამძღვარმა - მეუფე სტეფანემ ღირსეულად უმასპინძლეს ბიბლიის კონკურსის გამარჯვებულებს!

ნიკა ბუკია ილია ვეკუას სახელობის ოლიმპიადის პრიზიორია!

  ჩვენი სკოლის მეორე კლასის მოსწავლე ნიკა ბუკია ილია ვეკუას სახელობის მათემატიკური ოლიმპიადის პრიზიორია. ეს ცნობილი გახდა მას შემდეგ, რაც ორგანიზატორებმა ნიკას მესამე ხარისხის დიპლომი სკოლაში გამოუგზავნეს. ნიკამ მიმდინარე სასწავლო წელს არაერთ ოლიმპიადაზე ისახელა თავი. მისი პედაგოგია ქალბატონი ბელა ლაგვილავა!

თეიმურაზ კვიკვინიას კიდევ ერთი წარმატება

 12-21 ივნისს ნონა გაფრინდაშვილის სახელობის თბილისის ჭადრაკის სასახლემ უმასპინძლა 8 და 12 წლამდე საქართველოს ჭადრაკის ფედერაციის თასის გათამაშებას ჭადრაკში, სადაც ხობის მუნიციპალიტეტის ღირსებას იცავდა საქართველოს მოქმედი ჩემპიონი 8 წლამდე ჭაბუკებში - თეიმურაზ კვიკვინია. საუკეთესო მოჭადრაკეებთან დაძაბულ პაექრობაში თეიმურაზმა 9 შესაძლებლიდან 7 ქულა მოაგროვა და მეორე ადგილი დაიკავა! 

,,ედემი" ფინალშია!

13 ივნისს სსიპ ესტატე შუშანიას სახელობის ხობის მუნიციპალიტეტის სოფელ პირველი მაისის საჯარო სკოლამ უმასპინძლა საპატრიარქოს ახალგაზრდული ცენტრის მიერ ორგანიზებული კონკურსის ,,ჩვენ ვსწავლობთ ბიბლიას" ნახევარფინალურ ეტაპს. ჩვენი სკოლის ნორჩ მოსწავლეთა გუნდ ,,ედემს" კენჭისყრამ მეტოქედ არგუნა წალენჯიხის მუნიციპალიტეტის სოფელ ეწერის საჯარო სკოლის გუნდი. დაძაბული ინტელექტუალური პაექრობა ,,ედემი"-ს გამარჯვებით დასრულდა.

   ფინალამდე ,,ედემმა" შორი გზა განვლო. ჯერ ხობის მუნიციპალიტეტის დონეზე გამარჯვებული შეიქნა, შემდეგ ზონალური ეტაპი ქალაქ ზუგდიდში წარმატებით დაძლია და ნახევარფინალური ბარიერიც უკვე გადალახულია!

  ფინალში ჩვენს გუნდს მეტოქედ საქართველოს ხუთი საუკეთესო სკოლის გუნდი დაუპირისპირდება, თბილისში, სამების ტაძრის ახალგაზრდული ცენტრის დარბაზში, 28 ივნისს, დღის 12 საათზე.

   გუნდი ,,ედემი"-ს შემადგენლობა:პოლინა ფილიპია(კაპიტანი), ლევან ბუსქანძე, გიორგი ჭითანავა, გიორგი წოწერია, ჯანო გაბისონია, ქრისტინე პერტია, ანდრო გაბისონია. გუნდი მოამზადა ქარტული ენისა და ლიტერატურის მასწავლებელმა, ნინელი-მზია ხუხიამ. გუნდს მხარს უჭერს მომღერალ გოგონათა გუნდი პედაგოგ ნათია ლატარიას ხელმძღვანელობით.

ანა კვიკვინია ათეულშია!

 2014 წელი მეტად წარმატებულია ჩვენი სკოლის მე-4 კლასის მოსწავლე ანა კვიკვინიასთვის. ანამ თებერვალში სამეგრელო-ზემო სვანეთის ჩემპიონატი მოიგო 10-წლამდე გოგონებში, შემდეგ 12 წლამდე გოგონებში მე-3-მე-4 ადგილები გაიყო რეგიონის ჩემპიონატზე. ამჯერად ანამ ქუთაისში, 1-8 ივნისს გამართულ საქართველოს ჩემპიონატის ფინალში იასპარეზა ღირსეულად, გაიყო მე-6 - მე-9 ადგილები, რაც მისი საუკეთესო შედეგია!

საატესტატო გამოცდების შედეგები

 

 დიდი მღელვარება ახლდა მიმდინარე სასწავლო წელს საატესტატო გამოცდებს, რომელიც ორ ეტაპად ჩატარდა. პირველ სემესტრში მოსწავლეებმა საბუნებისმეტყველო საგნები და გეოგრაფია ჩააბარეს, ხოლო მეორე სემესტრში - ქართული, უცხოური ენები, მათემატიკა და ისტორია.

  სასიხარულოა, რომ მეთორმეტეკლასელებმა (კლასის დამრიგებელი ლელა ალექსანდრია) წარმატებით გადალახეს ყველა ბარიერი. 

     განსაკუთრებულად აღნიშვნის ღირსია ანა კვიკვინიას მიერ გეოგრაფიაში მიღებული დაუმრგვალებელი ათიანი (პედაგოგი ლიანა ნაჭყებია)! ასევე ნანა იოსავასა და თინათინ კვიკვინიას მაღალი შედეგიანობა...

    საბოლოოდ 13 მოსწავლიდან ცამეტივემ მიიღო საშუალო განათლების ატესტატი!

   ესენი არიან:

1. საბა გაბრავა, 

2.ჟორა გაბისონია,

3.მონიკა გოგოლაშვილი, 

4.ანა კვიკვინია,

5.თამარ კვიკვინია, 

6.თინათინ კვიკვინია, 

7.ნინო გოჩას ასული კვიკვინია, 

8.ნინო დემნას ასული კვიკვინია,

9. სანათა კურდღელია,10. ნანა იოსავა, 

11.ანიკო ფილიპია, 

12.დემური ხიმშიაშვილი,

13.ანა ჯობავა.

 გილოცავთ, ბავშვებო!

 წინ ეროვნული გამოცდებია! 

სკოლის დირექცია ყველა კურსდამთავრებულს უსურვებს სტუდენტობას!

ბიბლიის კონკურსი

პატარების გუნდი ,,ედემი" ზონალური ეტაპის გამარჯვებულთა შორისაა! გუნდის შემადგენლობა: პოლინა ფილიპია(კაპიტანი), ლევან ბუსქანძე, ანდრო გაბისონია, ქრისტინე პერტია, გიორგი წოწერია, გიორგი ჭითანავა, ჯანო გაბისონია... პედაგოგი ნინელი-მზია ხუხია.

წარმატებები ჭადრაკში

ზუგდიდი. სამეგრელო-ზემო სვანეთის ჩემპიონატი ჭადრაკში. 8 წლამდე ჭაბუკები - თეიმურაზ კვიკვინია - მე- 2 ადგილი.... ნიკა ბუკია - მე- 5ადგილი...

12 წლამდე გოგონები - 9 წლის ანა კვიკვინია - მე-3-მე-4 ადგილები... ამით რეგიონის ბავშვთა ჩემპიონატები 2014 წელს დასრულდა... წინ საქართველოს ასაკობრივი ჩემპიონატები, რესპუბლიკური თუ საერთაშორისო ტურნირებია... ოქტომბერში კი ბათუმი მასპინძლობს ბავშვთა ევროპის ჩემპიონატს

  ჩვენი სკოლის მოსწავლეებმა ანა კვიკვინიამ, თეიმურაზ კვიკვინიამ და ნიკა ბუკიამ მონაწილეობა მიიღეს სამეგრელო ზემო სვანეთის ჩემპიონატზე სწრაფ ჭადრაკში.

   რეგიონის ჩემპიონი 8 წლამდე ჭაბუკებში გახდა თეიმურაზ კვიკვინია, ხოლო ნიკა ბუკიამ მე–3 შედეგი აჩვენა.

   თორმეტ წლამდე გოგონებში მე– 2 შედეგი აჩვენა ანა კვიკვინიამ.

   გასათვალისწინებელია ის გარემოება, რომ სკოლაში ნასწავლი პირველი სვლების შემდეგ პედაგოგი გრიშა ხიმშიაშვილის რეკომენდაციით მოხდა ნიკა ბუკიას ჩართვა ხობის საჭადრაკო ცენტრში. 

თეიმურაზ კვიკვინია ზედიზედ მეორე წელია საქართველოს ჩემპიონია

12 მაისს მარნეულში საქართველოს ჩემპიონატი 8, 12 და 16 წლის ჭაბუკთა და გოგონათა შორის დასრულდა. ჩემპიონატში ბრწყინვალედ იასპარეზეს სამეგრელოს რეგიონის მოჭადრაკეემა და 2 ოქროს და 2 ვერცხლის მედალი მოიპოვეს. 8,5 ქულით დამაჯერებლად მოიპოვა პირველობა (ზედიზედ მეორე წელია საქართველოს ჩემპიონია) 8- წლამდე ჭაბუკთა შორის თეიმურაზ კვიკვინიამ. აღსანიშნავია, რომ პატარა გამარჯვებული შარშანდელი 7 წლამდე ჩემპიონატის გამარჯვებულიცაა (ხობი).

ჩვენი სკოლის წარმატებები

მეშვიდეკლასელმა გეგა გაბისონიამ თბილისში გამართულ ზედიზედ 2 ტურნირზე იყოჩაღა... 8 მარტს რესპუბლიკურ ტურნირზე ,,კუნ-ფუ"-ში მე-3 შედეგი აჩვენა, ხოლო 9 მარტს კონტაქტურ კარატეში საერთაშორისო ტურნირი მოიგო მსოფლიოს 10 ქვეყნის მონაწილეებთან ჭიდილში... მარტი

   თბილისში, ,,ლონდონსქული"-ს ქართული ენის რესპუბლიკური ოლიმპიადის ფინალში თავი არ შეირცხვინეს ჩვენმა ფინალისტებმა - ირაკლი კვიკვინიამ \მე-6 კლასი\ და ქეთევან გაბრავამ \მე-4 კლასი\... მათ ფინალში შესაბამისად 83 და 80-პროცენტიანი შედეგი დადეს, რაც საპრიზო ადგილებისთვის არ აღმოჩნდა საკმარისი...... მარტი

    ,,ევერესტი" - ინგლისური... მე-2 ტურში გადავიდა 37 ჩვენი სკოლის მოსწავლე, მათ შორის მე-10-კლასელი მარიამ კვიკვინია უძლიერესთა შორის, A ქვეჯგუფში მიიღებს მონაწილეობას... (ამ ქვეჯგუფში სამეგრელოს რეგიონიდან სულ 20-მდე მოსწავლე გამოვა). თებერვალი

    ,,კინგსი" - ინგლისური... პირველ ტურში მონაწილეობდა 35-მდე ჩვენი სკოლის მოსწავლე... პირველ ტურში ხუთმა მოსწავლემ 100-პროცენტიანი შედეგი აჩვენა... ესენი არიან:ნიკა ბუკია(მე-2 კლასი, პედაგოგი ფატიმან არახამია), ქეთევან რიგვავა, დავით სარჩმელია, მაკა კობახიძე და თეიმურაზ კვიკვინია(ყველა მე-3 კლასი, პედაგოგი სალომე ჯოლოხავა). თებერვალი

      18 მარტი.თბილისი. კალიგრაფისტთა რესპუპლიკური კონკურსის ფინალისტთა და გამარჯვებულთა დაჯილდოების ცერემონიალი... ფინალისტი პოლინა ფილიპია დაჯილდოვდა ფინალისტის საპატიო სიგელითა და საჩუქრებით... ამჟამად ამერიკაში მყოფმა თემურ ქანდარიამ 16-ტომეული კრებული სახსოვრად გადასცა პოლინას... პედაგოგ ნინელი ხუხიას თქმით დაჯილდოებამ ამაღელვებელ ვითარებაში ჩაიარა.

,,ლონდონსქული"-ს ფინალისტები თბილისში გაემგზავრებიან

გამართლდა ჩვენი იმედები ქართული ენის ,,ლონდონსქული"-ს ოლიმპიადის შედეგებთან დაკავშირებით. ჩვენი სკოლის 2 მოსწავლე ფინალშია...... მე-6 კლასელი ირაკლი კვიკვინია - 95 პროცენტიანი მაჩვენებლით ( პედაგოგი მანანა ხვიჩია) და მე-4 კლასელი ქეთევან გაბრავა - 90 პროცენტიანი მაჩვენებლით ( პედაგოგი დალი თევზაძე)........

 ფინალი გაიმართება 9 მარტს, თბილისში......

,,ეტალონი"

დღეს სკოლის ყველაზე მრავალრიცხოვანი, მე-8 კლასის ,,ეტალონი" მოსწავლე გამოავლინა ქართული ენისა და ლიტერატურის პედაგოგმა ნინო ცხადაიამ..... 3-ეტაპიანი კონკურსი ლევან ბუსქანძის გამარჯვებით დასრულდა.